Get ready Team India, ചരിത്രത്തിനായി പോരാടാം; ബാസ്ബോൾ ട്രയലിനൊരുങ്ങി ​ഗില്ലും സംഘവും

2021ലെ ഇന്ത്യയും ഓസ്ട്രേലിയയും തമ്മിലുള്ള ബോർഡർ-​ഗവാസ്കർ ട്രോഫി പരമ്പര. അന്ന് ശിഖർ ധവാന് പകരമായി ഇന്ത്യയ്ക്ക് ഒരു ഓപണിങ് ബാറ്ററെ വേണമായിരുന്നു. പൃഥ്വി ഷായെ പരീക്ഷിച്ചെങ്കിലും പരാജയപ്പെട്ടു. ഇതോടെ ഇന്ത്യൻ ടീമിൽ ഒരു യുവതാരത്തിന് അരങ്ങേറ്റത്തിന് വഴിയൊരുങ്ങി. ആറ് ഇന്നിങ്സിൽ നിന്ന് 259 റൺസുമായി ആ യുവതാരം പരമ്പരയിൽ നിർണായക സാന്നിധ്യമായി. പരമ്പരയിൽ ഇന്ത്യയ്ക്കായി കൂടുതൽ റൺസ് നേടിയ നാലാമത്തെ താരം. ശുഭ്മൻ ​ഗില്ലിന്റെ ഇന്ത്യൻ ക്രിക്കറ്റിലേക്കുള്ള കടന്നുവരവ് പ്രഖ്യാപിക്കപ്പെട്ടു.

​ഗില്ലിന്റെ മികവ് ഇന്ത്യൻ ടീമിന് വലിയ ആശ്വസമായിരുന്നു. ഭാവിയിൽ ഇന്ത്യൻ ക്രിക്കറ്റിന്റെ ഓപണിങ് സ്ഥാനം ​ഗിൽ ഉറപ്പിച്ചുവെന്ന് വിലയിരുത്തി. ഏകദിന ക്രിക്കറ്റിലും ​ഗിൽ ഇന്ത്യൻ ടീമിലെ ഓപണറുടെ റോളിലേക്കെത്തി. 23 വയസും 132 ദിവസവും പ്രായമുള്ളപ്പോൾ ​ഏകദിനത്തിൽ ഇരട്ട സെഞ്ച്വറി നേടിയ താരം. രോഹിത് ശർമയ്ക്കൊപ്പം ശുഭ്മൻ ​ഗിൽ ഇന്ത്യൻ ക്രിക്കറ്റിൽ തിളങ്ങിനിന്നു.

ഇപ്പോൾ ​ഗില്ലിന്റെ കരിയർ അഞ്ച് വർഷം പിന്നിടുന്നു. ഏകദിന ക്രിക്കറ്റിൽ മികവ് തുടരുമ്പോഴും ടെസ്റ്റിൽ പ്രതിഭയോട് പൂർണ നീതി പുലർത്താൻ ​ഗില്ലിന് കഴിഞ്ഞിട്ടില്ല. കഴിഞ്ഞ ബോർഡർ-​ഗവാസ്കർ ട്രോഫിയിൽ അഞ്ച് ഇന്നിങ്സിൽ നിന്നായി ​​ഗില്ലിന് നേടാനായത് 93 റൺസ് മാത്രം. തൊട്ടുമുമ്പ് സ്വന്തം മണ്ണിൽ ന്യൂസിലാൻഡിനെതിരെയും ​ഗിൽ മികവിലേക്ക് ഉയർന്നില്ല. നാല് ഇന്നിങ്സുകളിൽ നിന്നായി നേടിയത് വെറും 144 റൺസ്. എടുത്തു പറയാനുള്ളത് ഒരിന്നിങ്സിൽ നേടിയ 90 റൺസിന്റെ നേട്ടം മാത്രം. ഇതോടെ ഫ്ലാറ്റ് ട്രാക്കുകളില്ലാതെ ​ഗില്ലിന് തിളങ്ങാനാകില്ലെന്ന് വിമർശനവും ഉയർന്നു.

ബോർഡർ-​ഗവാസ്കർ ട്രോഫിക്കും ആൻഡേഴ്സൺ തെണ്ടുൽക്കർ ട്രോഫിക്കുമിടയിൽ ഐപിഎല്ലിന്റെ രണ്ടര മാസത്തിന്റെ ദൂരമാണുണ്ടായിരുന്നത്. ഇക്കാലയളവിൽ ശുഭ്മൻ ​ഗിൽ ഇന്ത്യൻ ടെസ്റ്റ് ടീമിന്റെ നായകനായി. രോഹിത് ശർമയും വിരാട് കോഹ്‍ലിയും രവിചന്ദ്രൻ അശ്വിനുമെല്ലാം കളമൊഴിഞ്ഞു. ജോലിഭാരം കുറയ്ക്കുവാൻ ഇം​ഗ്ലണ്ടിൽ മൂന്ന് ടെസ്റ്റുകളിൽ മാത്രമാണ് ജസ്പ്രീത് ബുംമ്ര കളിക്കാനെത്തുക. ക്യാപ്റ്റൻസിയുടെ സമ്മർദ്ദം തോളിലേറ്റാൻ താനില്ലെന്നാണ് കെ എൽ രാഹുലിന്റെ നിലപാട്. ഇതോടെ ഇന്ത്യൻ ടെസ്റ്റ് ക്രിക്കറ്റിന്റെ പുതിയ നായകനായുള്ള അന്വേഷണം ശുഭ്മൻ ​ഗില്ലിലേക്ക് എത്തിച്ചേർന്നു.

പ്രതീക്ഷകളും ഉത്തരവാദിത്തങ്ങളും നിറഞ്ഞ വലിയൊരു ഭാരമാണ് ​ഗില്ലിന്റെ ചുമലിലുള്ളത്. കോഹ്‍ലിയുടെ പോരാട്ടവീര്യവും രോഹിത് ശർമയുടെ ​ഗ്ലെയിം പ്ലാനുമെല്ലാം ഇന്ത്യൻ ടീമിൽ നിലനിർത്തേണ്ടതുണ്ട്. Its the commencement of a new era in Indian Cricket. Shubman Gill will lead the Next Generation in the English Bazball Trials. Get ready Team India, compete for the history.

Content Highlights: New era begins in Indian Cricket with Gill leading side